Thinking once again is good,ఏదయినా ఓ అంశం తరచి చూస్తే కొంత లాభం

• 
  
• 
• image : Courtesy with Eenadu news paper.
• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Group discussion -సమిష్టి సమావేసము- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


ఏదయినా ఓ అంశం, భావన చూసే కోణాన్ని బట్టి మంచిదవుతుంది. చెడ్డగా మారుతుంది. పగటి నిద్ర అస్సలు మంచిది కాదంటారు. కొన్ని ప్రయోజనాలున్నాయని అధ్యయనాలు తెలిపాయి. ఆలోచిస్తే, మన దైనందిన జీవితంలో పూర్తిగా తప్పుబట్టే ఆలోచనలు, పక్కనబెట్టే అలవాట్లు చాలానే కనిపిస్తాయి. కానీ అవగాహన కలిగి, హద్దుల్లో ఉంటూ వాటిని ఆచరిస్తే ప్రమాదం ఉండదని నిపుణులు చెబుతున్నారు.

• 'కాళ్లకు చక్రాలున్నట్టు అటూఇటూ తిరిగేస్తుంటాడు. ఒక్క నిమిషం కుదురుండదు. ఒరేయ్‌, కదలకుండా కూర్చోవడం అలవాటు చేసుకో' అని ఇంట్లో పెద్దవాళ్లు, బడిలో ఉపాధ్యాయులు పిల్లలకు గట్టిగా చెప్పడం వింటూనే ఉంటాం. అక్కడ సందర్భం కొంత నిలకడ నేర్చుకొమ్మని, హడావుడి తగ్గించమని. నిజానికి కుదురుగా కూర్చోలేకపోవడం తప్పేం కాదు. అదీకాక ఎంచక్కా కలియతిరుగుతూ ఇంట్లో పనులు చేసుకోవడం వల్ల మహిళలు, పెద్ద వాళ్ల ఆరోగ్యానికి మంచిదేనని వైద్యులు చెబుతున్నారు. దానివల్ల ఎంచక్కా కెలొరీలు ఖర్చవుతాయి.
• కాఫీ తాగాలని మనసు లాగుతుంది. తాగితే ఆరోగ్యానికి హాని అని చాలామంది మానేస్తారు. కానీ మితంగా ఓ కప్పు తాగితే శరీరం ఆరోగ్యంగా, చురుగ్గా ఉంటుంది. జీవ క్రియలు వేగం పుంజుకుంటాయి. ముఖ్యంగా మహిళలు రెండు కప్పుల కాఫీ తాగడం వల్ల ఒత్తిడిని సమర్థంగా ఎదుర్కొంటారు. హార్వర్డ్‌ విశ్వవిద్యాలయం పరిశోధనలు తెలిపిన విషయమిది.
• పక్కింటి వాళ్ల గురించి, సహోద్యోగినుల గురించి అవీఇవీ మాట్లాడుకోవడం జరుగుతుంటుంది. ఇలా చెప్పుకోవడం వల్ల ఇసుమంత లాభం లేదన్న వాదన ఉంది. కానీ అది సరికాదనీ, ఓ స్థాయి మేరకు అలాంటి మాటలకు చెవి ఒగ్గడం వల్ల అవి సృష్టించే వాళ్లు ఎదుటి వ్యక్తుల్లోని గోరంత లోపాన్ని కొండంతగా ఎలా చెప్పుకొస్తారో తెలుస్తుంది. అవి గుణపాఠాలుగా ఉపయోగపడతాయి. అయితే ఎవరికీ హాని కలిగించని, ఇబ్బంది పెట్టని అంశాలను మాట్లాడుకుంటున్నామా అన్న వివేచన ముఖ్యం.
• పనిచేసే చోట చిన్నచిన్న మాటపట్టింపులు, మనస్పర్థలు వస్తుంటాయి. పోతుంటాయి కూడా! ఆ చేదు జ్ఞాపకాలను మనసులో అణిచిపెట్టుకొని దీర్ఘకాలం బాధపడితే ఎలా! అది అంతర్గతంగా ఒత్తిడి పేరుకుపోయేట్టు చేస్తుంది. కోపం వచ్చినప్పుడు చిన్నపాటి చిటపట. మరు నిమిషంలోనో, మర్నాడో చిరునవ్వుల పదనిస. మనసులోని భావాలను వెల్లడించడం వల్ల ఒత్తిడి దూరం అవుతుంది.
• ఎండాకాలంలో బకెట్ల కొద్దీ నీటితో రెండుసార్లు స్నానం చేసి, నాలుగుసార్లు ముఖం కడుక్కొని.. అదే శుభ్రత అనుకుంటే ఎలా? పొదుపుగా నీటి వాడకం ప్రకృతిని ప్రేమించడం. నీటి వృథాకు అవకాశం ఇవ్వకుండా పరిశుభత్రకు ప్రాధాన్యం ఇవ్వాలి.
• భావోద్వేగాలని అదుపులో ఉంచుకొన్నవారే నిజమైన విజేతలంటారు. కానీ వాటిని అతిగా అణిచిపెట్టడం కూడా ప్రమాదమే! ఎవరూ సరదాకి కంటతడిపెట్టరు కదా! అదో అసంకల్పిత చర్య. దానిని అలానే స్వీకరించాలి. దుఃఖం ముంచుకొచ్చినప్పుడు ఉద్వేగాన్ని ప్రకటించడమే సమంజసం! ఆ కన్నీళ్లతో పాటు కష్టం కూడా కొట్టుకుపోతుంది.
• కాస్త ఎండలో తిరగాలంటే భయం. ఎక్కడ అతి నీలలోహిత కిరణాలు దాడిచేస్తాయో అని చెప్పి ఎప్పుడూ స్కార్ఫ్‌లు కప్పుకొంటూ, చేతికి గ్లవుజులు వేసుకొని తిరుగుతుంటాం. సన్‌స్క్రీన్‌ తప్పనిసరి. కానీ ఎండలో తిరగడం వల్ల ఎముకల బలమే కాదు.. జలుబు వంటి చికాకులని కూడా తొలగించుకోవచ్చని అధ్యయనాలు చెబుతున్నాయి. ఏడాది పొడవునా ఎండ ఉండే మన దేశంలో డి విటమిన్‌ లోపానికి అవకాశాలు తక్కువని మరిచిపోకూడదు.
• ఆదివారం సెలవు. ముసుగుతన్ని నిద్రపోవడం, వ్యాయామం మానేయడం అందరూ చేసే పనే. ఏ సాయంత్రమో అయ్యాక సెలవంతా పాడయ్యిందే అనుకోవడం. ఇకనుంచీ అలా అనుకోకుండా ఓ అధ్యయనం బద్దకానికి మద్దతు పలుకుతోంది. అలా రోజంతా పరిమితుల్లేకుండా నిద్రపోవడం అనేది వ్యాధినిరోధక శక్తిని పెంచుతుంది.
• కొన్ని సమస్యలకు ఎంతగా బుర్రబద్దలు కొట్టుకొన్నా పరిష్కారాలు దొరకవు. అప్పుడు కాసేపు సేద తీరండి. నిద్రలో మీకు తెలియకుండానే అంతఃచేతనలో దాగిన ఆలోచనలు పరిష్కారాలని అందిస్తాయి. నిద్రకున్న శక్తి అది.

==========================
Visit my website - > Dr.Seshagirirao.com/

అందం చెక్కుచెదరకుండా...జాగ్రత్తలు

• 
  
• 
• 
  

• ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -అందం చెక్కుచెదరకుండా...జాగ్రత్తలు - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

పదహారేళ్ల ప్రాయంలో అడుగుపెట్టినప్పుడు చర్మం ఎలా నిగారింపుతో వగలుపోతుందో.. అదే అందం, సొగసు పాతికల్లోనూ ఆపైనా కూడా కొనసాగాలంటేే కాస్త శ్రద్ధ, కొన్ని మెలకువలు తప్పనిసరి అంటున్నారు నిపుణులు.

• * పాలమీగడలాంటి నునుపైన చర్మానికి పైపై నగిషీలు ఎన్ని పెట్టినా సరిపోవు.. పోషకాహారమే దానికి మేలైన మార్గం. ఎన్ని పోషకాలు అందితే అంతగా చర్మం మెరిసిపోతుంది. ముఖ్యంగా యాంటీఆక్సిడెంట్‌ ఆహారానికి ఈ శక్తి ఉంది.
• * శరీరంలో వ్యర్థాలు పేరుకొనేకొద్దీ క్రమంగా ముఖంలో కాంతి సన్నగిల్లుతుంది.. అందుకే ఎప్పటికప్పుడు వ్యర్థాలు తొలగించే డీటాక్సిఫికేషన్‌ ప్రక్రియ అవసరం. ఉదయాన్నే కప్పు కొత్తిమీర, కప్పు పుదీనా, కప్పు కరివేపాకు తీసుకొని గ్రీన్‌చట్నీ చేసుకొని టిఫిన్‌కి జతగా తింటే బరువు తగ్గడంతో పాటు వ్యర్థాలు తొలగుతాయి.
• * ఏ వయసు వారికయినా వృద్ధాప్య లక్షణాలు నివారించడానికి సన్‌స్క్రీన్‌ వాడకం తప్పనిసరి.. ముందుగా సన్‌స్క్రీన్‌ రాసుకొని ఆ తర్వాతే అలంకరణ వేసుకోవాలి.
• * రోజంతా కాలుష్యపూరిత వాతావరణంలో తిరిగి ఇంటికి వచ్చిన తర్వాత అలానే నిద్రపోవడం కాకుండా.. ముందుగా ముఖంపై పేరుకొన్న మురికిని తొలగించడానికి డీప్‌క్లెన్సర్‌తో శుభ్రం చేయాలి. రాత్రిళ్లు అయితే టోనర్‌ని రాసుకొని పడుకోవాలి. తెల్లారి ముఖం తాజాగా ఉంటుంది.
• * పాదాలు, చేతులకు నిత్యం మాయిశ్చరైజర్‌ని రాయడం అలవాటు చేసుకోవాలి. చలికాలంలో ఇది తప్పనిసరి. అయితే మీరు వాడే మాయిశ్చరైజర్‌ తప్పనిసరిగా పోషకాలు నిండినదై ఉండాలి. కొబ్బరినూనె కూడా మేలైన మాయిశ్చరైజరే!
• * తీవ్రమైన ఎండలో తిరగడం వల్ల ముఖంలో టాన్‌ ఏర్పడుతుంది. దీని వల్ల ముఖంలో పిగ్మెంటేషన్‌ సమస్య తీవ్రమై క్రమంగా మచ్చలుగా మారతాయి. పండిన అరటిపండు, బొప్పాయి... ఏదయినా సరే.. ఆ పండు గుజ్జు తీసుకొని ఎండకి గురై నల్లగా మారిన ప్రాంతంలో పదినిమిషాల పాటు రుద్దితే టాన్‌ తొలగుతుంది.
• * జుట్టు రాలిపోవడం, కళతప్పడం, పొడిబారడం జరుగుతుందంటే కారణం శరీరంలో థైరాయిడ్‌ సమస్యకానీ, ఆహారంలో ప్రొటీన్ల లోపం కానీ ఉన్నట్టు లెక్క. పోషకాహారం తీసుకొంటూనే గోరువెచ్చని నూనెతో తలకి మర్దన చేసుకొంటే మంచి ఫలితాలుంటాయి

• =========================

Visit my website - > Dr.Seshagirirao.com/

సహజసిద్ధమైన సౌందర్యం .., Natural beauty

• 
  
• 
• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -సహజసిద్ధమైన సౌందర్యం - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


అందాన్ని పెంచేవాటిల్లో మేకప్‌ ప్రధానమైనది. అందులో ప్రస్తుతం అనేక రకాలు వచ్చాయి... వస్తున్నాయి. వీటికున్న డిమాండ్‌ను బట్టి అనేక కాస్మొటిక్‌ కంపెనీలు ఆవిర్భవించాయి. కాటుక మొదలుకొని గోళ్లరంగు వరకు అనేక వెరైటీలు వచ్చేశాయి. ఇంతకు మునుపు ఉన్నత కుటుంబాలకే పరిమితమైన ఈ మేకప్‌ ప్రస్తుతం సామాన్యుల ఇళ్లలోకి కూడా ప్రవేశించింది. బయటకు అడగుపెట్టాలంటే మేకప్‌ తప్పనిసరి అంటున్నారు నేటి యూత్‌. అయితే మోడ్రన్‌ మేకప్‌ మీద ప్రస్తుత యువతకు విసుగెత్తింది. సహజసిద్ధమైన మేకప్‌కే ప్రాధాన్యం ఇస్తున్నారు. ముఖ్యంగా కాలేజీకి వెళ్లేవారు నేచురల్‌గా కనిపించాలని కోరుకుంటున్నారు. అందుకోసం ప్రకృతిలో లభ్యమయ్యేవాటితో తమ శరీరాన్ని తేజోవంతంగా, ప్రకాశవంతంగా మార్చుకునేందుకు ఆసక్తి కనబరుస్తున్నారు.


-ముఖానికి, మేనుకు మేకప్‌లను ఉపయోగించడం క్రీ.పూ 3500 సంవత్సరం నుంచే ఉందని పురావస్తు శాఖవారి నివేదికల ప్రకారం తెలుస్తుంది. మొదటగా ఈజిప్షియన్లు తరువాత రోమన్‌లు, గ్రీకులు మేకప్‌ పట్ల ఆసక్తి కనబరిచేవారు 20వ శతాబ్దం ఆరంభంలో సామాన్య ప్రజలలోకి సైతం ఇది ప్రవేశించింది. ఈ ఆధునిక కాలంలో కాస్మొటిక్స్‌ను అనేక రసాయనాలను ఉపయోగించి తయారుచేయడం మొదలైంది. వీటివల్ల సైడ్‌ ఎఫెక్ట్‌‌స ఎక్కువగా ఉన్నా వీటినే వాడడం మొదలు పెట్టారు. అనునిత్యం ఫ్యాషన్‌, గ్లామర్‌ అంటూ పరుగులెత్తే నేటి యూత్‌ ప్రస్తుతం రసాయనాల మిశ్రమ మేకప్‌కు దూరంగా ఉండాలని కోరుకుంటున్నారు. సహజసిద్ధమైన అందానికి ప్రాముఖ్యత ఇస్తున్నారు.

ఉల్లాసంగా ఉండాలి...
బాహ్య సౌందర్యమే కాదు మనసుకూడా స్వచ్ఛంగా ఉన్నప్పుడే అది నిజమైన అందం అంటున్నారు నేటి కుర్రకారు. ‘నేటి రోజుల్లో అందానికి ఉన్న ప్రాముఖ్యత అందరికీ తెలిసిందే. నవీన నాగరికులం అనిపించుకోవాలంటే మంచి దుస్తులతో పాటు గ్లామర్‌గా కనిపించడమూ పరిపాటే. మనసుకు ఇంపైన సౌందర్యాన్ని అందం అంటాం. శరీర అవయవ అందాన్ని మనసుతో చూస్తాం. అందము ఒక్కొక్కరికి ఒక్కోలా కనిపిస్తుంటుంది. ప్రతి మనిషి ఆడ, మగ అందరూ అందంగా ఉండాలని అనుకుంటారు. ఉండాలని ప్రయత్నమూ చేస్తారు. అందమంటే శారీరక సౌందర్యమే కాదు, మానసికంగా పరిపక్వమూ, ఉల్లాసమూ కూడా ఉండాలి. అప్పుడే పరిపూర్ణమైన అందమని చెప్పబడుతుంది. వీటికోసం మార్కెట్‌లో దొరికే అనేక సాధనాలను వాడుతుంటారు. కానీ నేడు వాటివల్ల సైడ్‌ఎఫెక్ట్‌‌స ఎక్కువగా కలుగుతోంది.

నిగనిగలాడుతుంది...
-అందంగా కనిపించాలంటే మనం తీసుకునే ఆహారం విషయంలో కూడా శ్రద్ధవహించాలి. బాహ్యసౌందర్యం బాగుండాలంటే శరీరంలో అందుకు తగిన శక్తి సామర్థ్యాలను పెంపొందించుకోవాలి. సమ తుల్యమైన ఆహారము తీసుకోవాలి. విటమినులు ఉన్న ఆహారము తీసుకోవాలి. యాంటి యాక్సిటెంట్లు తీసుకుంటే శరీర కాంతి నిగనిగ లాడుతుంటుంది. క్రొవ్వు పదార్థములు తక్కువగా తీసుకోవాలి. ఇలా శరీర నియంత్రను పాటిస్తే ఆటోమేటిక్‌గా మన అందం పెరుగుతుంది. అలాగే కొన్ని నియమాలను కూడా పాటించాలి. వేళకు నిద్రపోవాలి. వేళకు ఆహారము తీసుకోవాలి. రోజూ వ్యాయామం చేయాలి. చిన్న చిన్న విషయాలకు టెన్షన్‌ పడడం తగ్గిం చుకోవాలి. ఎక్కువ స్ట్రెస్‌, స్ట్రెయిన్‌కు గురికాకూడదు. ప్రతి రోజు మృదువైన సబ్బుతో స్నానం చేయాలి. మీ అందాన్ని ఇంకొకరి అందముతో పోల్చకూడదు. ఎప్పుడూ పాజిటివ్‌గానే ఆలోచించడం మంచిది.

తెలుసుకుందాం...
సహజసిద్ధంగా ఎలాంటి వాటిని తీసుకోవాలో ప్రముఖ బ్యూటీషియన్స్‌ కొన్ని చిట్కాలను వివరిస్తున్నారు.
అలసిన కళ్లకు : నిద్రపోతున్నట్టు, జీవంలేనట్టు కనిపిస్తున్న కళ్లకోసం ఇంట్లోనే ఈ చిట్కా పాటించవచ్చు.కళ్లకు మేకప్‌ వేసుకనే ముందే చల్లని దోసకాయ గుజ్జులో ముంచిన దూదిని మూసిన కనురెప్పలమీద ఉంచుకోవాలి.

పొడిబారిన చర్మానికి : ఒక్కొక్క టేబుల్‌ స్పూన్‌ చొప్పున టమోటా, దోస రసాలు, కొన్ని నిమ్మచుక్కలు, ఒక టేబుల్‌ స్పూన్‌ కిస్మిస్‌లు ఇవన్ని బాగా కలపాలి. మొహానికి రాసుకుని 20 నిమిషాలు అనంతరము గోరువెచ్చని నీటితో కడిగేయాలి.

జిడ్డు చర్మానికి : పావు టేబుల్‌ స్పూన్‌ నిమ్మరసం లో రెండు టేబుల్‌ స్పూనులు తురిమిన కమలా తొక్కలు, కొంచెం పాలు కలిపి ఒక రోజంతా ఫ్రిజ్‌లో ఉంచాలి. ఇది మంచి క్లెన్సర్‌గా పనిచేస్తుంది. దీనిని బాడీ లోషన్‌గా కూడా వాడవచ్చు.

చక్కని స్కిన్‌ టోన్‌ కోసం : ఒకటిన్నర టేబుల్‌ స్పూన్‌ పెరుగు, ఒక టేబుల్‌ స్పూన్‌ సన్నగా తరిగిన కమలా పండు తొక్కలు, ఒక టేబుల్‌ స్పూన్‌ ఓట్‌ మీల్‌, నూనె ఇవన్నీ కలిపిన మిశ్రమంతో శరీరానికి మృదువుగా మర్దన చేయాలి. చర్మం మీది మృత కణాలు, బ్లాక్‌ హెడ్స్‌ తొలగి పోతాయి. దీనిని రోజువారీ స్క్రబ్‌గా కూడా వాడవచ్చు.

శరీర కాంతి పెంచే చిట్కాలు...
నిమ్మరసం , మజ్జిగ సమభాగాలు కలిపి ముఖానికి మర్దన చేయడం వల్ల ఎండకు నల్లబడిన ముఖము స్వచ్ఛముగా కనిపిస్తుంది. ఆవ నూనెలో శనగపిండి, పసుపు కలిపి రాసిన చర్మము కాంతివంతంగా అవుతుంది.

ముఖముపై ముడతలున్నట్లయితే రెండు చెంచాల గ్లిజరిన్‌లో సగం చెంచా గులాబీ నీరు, కొన్ని నిమ్మరసపు చుక్కలు కలిపి రాత్రి రాసుకుంటే ఉదయము లేవగానే చర్మపు రంగు నిగ్గుతేలి ముడతలు కనిపించకుండాపోతుంది.

చర్మానికికుంకుమ పువ్వు సొగసు : కుంకుమ పువ్వు అత్యంత ఖరీదే అయినా ప్రపంచ స్థాయిలో సౌందర్య సాధనంగా ప్రసిద్ధిపొందింది. ఈ పువ్వుతో తయారయిన పేస్టును ముఖము, చేతులపైన రాసుకుంటే చర్మానికి మృదుత్వము, బంగారు మెరుపును తెస్తుంది.

పసుపు, వేపల లేపనం : వందల సంవత్సరాలనుంచి భారతీయుల చర్మ సంరక్షణకు పసుపు, వేపలను ఎంతగానో నమ్ముతారు. పలురకాల చర్మ సమస్యలకు విరుగుడుగా పనిచేయడమే కాకుండా చర్మానికి చల్లదనాన్ని, హాయినీ ఇస్తుంది. ఒక చెంచా పసుపుపొడి, కొంచెం కుంకుమ పొడి, ఒక చెంచా వేపచూర్ణము పచ్చి పాలలో వేసి కలిపి మిశ్రమాన్ని తయారుచేసి ముఖము, ఇతర చర్మభాగాల మీద రాస్తే మచ్చలు దద్దుర్లు వంటివి పోతాయి.

గంధం పేస్టు : అందరికీ ఒకే రకమైన శరీర తత్వం ఉండదు. ఒక్కొక్కరికి ఒక్కో విధంగా ఉంటుంది. కొంతమందికి చర్మము బాగా సున్నితంగా ఉంటుంది. ఏ మాత్రము ఎండలోకి వెళ్లినా కందుతుంది. దురద, పొడిబారడం, పొరలుగా రావడం, బిరుసెక్కిపోవడం వంటి సమస్యలతో బాధపడుతుంటారు. ఇలాంటప్పుడు గంధము పేస్టు ఆయిల్‌ చర్మాన్ని చల్లబరుస్తుంది. యాంటిసెప్టిక్‌గా పనిచేస్తుంది. చర్మాన్ని తేమగా ఉండేందుకు దోహదం చేస్తుంది. ప్రతిరోజూ దీనిని వాడుతూ ఉంటే చర్మము మీది నూనె గ్రంధులు ఉత్తేజితమైన తేమగా ఉండేందుకు తోడ్పడుతూ చర్మానికి హానిచేసే బ్యాక్టీరియాలను తొలిగిస్తాయి.
జుట్టుకు గొప్ప కండిషనర్‌ పెరుగు : అందానికి మెరుగులు దిద్దే ఉత్పత్తులలో పాల సంబంధిత పదార్థాలను ఎక్కువగా ఉపయోగిస్తారు. ఇందులో అధిక శాతం ప్రొటీన్లు, విటమిన్లు ఉండడమే ఇందుకు ప్రధానమైన కారణం. పెరుగు జుట్టును పొడిబారనీయకుండా చేస్తుంది. షాంపూతో తలంటుకున్న తరువాత ఐదునిమిషాలు పెరుగుతో తలకు మసాజ్‌ చేసుకుంటే పొడిబారిన జుట్టుకు చక్కని కండిషనర్‌గా పనిచేస్తుంది. జుట్టుకి మృదుత్వాన్ని ఇచ్చి తేమగా ఉంచే శక్తి పెరుగుకు ఉంది.

నీరు...
నీరు మనశరీరానికి ఎంతో అవసరము. సమాజములో దాదాపు ఎనభై శాతం మంది డిహైడ్రేషన్‌కి లోనవుతుంటారు. దీని వలన శరీరము ముడతలు పడి కాంతి విహీనంగా తయారవుతుంది. బుగ్గలు చొట్టలు పడి ముఖము అందవికారముగా తయారవుతుంది. మన శరీర బరువులో 70 శాతం ఉండే నీరు అందానికి ఆరోగ్యానికి ఎంతో అవసరం. కావున ప్రతిరోజూ కనీసము రెండు లీటర్ల నీటిని త్రాగడం శరీరానికి ఎంతో మంచిది .

• ==========================

Visit my website - > Dr.Seshagirirao.com/

ఉష్ణమాపి ,Thermometer

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -ఉష్ణమాపి ,Thermometer- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

• ఉష్ణమాపి ,Thermometer

జ్వరము కొలిచే సాధనము ధర్మామీటరు .ఉష్ణమాపి (Thermometer) , సాధారణంగా ఇందులో పాదరసము ను ఉపయోగిస్తారు. పాదరసం సంకోచ వ్యాకోచాలను ఆధారంగా చేసుకొని ఉష్ణోగ్రతను నిర్ణయిస్తారు. ఈ పరికరమును ముఖ్యముగా రెండు భాగములుగా విభజించవచ్చును, ఒకటి ఉష్ణోగ్రత Sensor (స్పర్శేంద్రియము) (పాదరస ఉష్ణమాపిలో ఉండే బల్బు), రెండవది కొలబద్ద. ఉష్ణోగ్రతను మనము సాధారణము గా entigrade(C) లోగాని Foren(F) లో గాని కొలుస్తాము. ధర్మామీటర్లలో అనేక రకాలు ఉన్నాయి.

"జరుగుబాటుంటే జ్వరమంత సుఖం లేద"న్నారు మన పెద్దవాళ్ళు....అప్పట్లో అంటే, సంవత్సరానికో, రెండు సంవత్సరాలకో ఓసారి అలా వచ్చి పలకరించి ఇలా వెళ్ళిపోయేవి జ్వరాలు...రోజూ కాయకష్టం చేసే వాళ్ళకి, అలా రెండ్రోజులు మంచం మీద పడుకుని, వేళకింత తింటూ(రోజూలా అదరాబాదరాగా కాకుండా) ఉంటే ప్రాణానికి కాసింత సుఖంగానే అనిపించేదేమో! కాని మన రోజులకి అది అంత సరిపడదేమో! ఒక్కరోజు ఆఫీసుకి వెళ్ళకపోయినా జీతంలో కోత! productivity తగ్గిపోతుందిగా మరి! పైగా నెలకోసారి వచ్చే జ్వరాలతో ఎలా?.......మరి ఇలాంటి జ్వరాలకి జరుగుబాటు ఎలా ఉంటే, మనసుకి,శరీరానికి కాస్త హాయిగా ఉంటుందో


అసలు ఈ జ్వరం అంటే ఏంటి? ఎందుకు వస్తుందో ముందు టూకీగా తెలుసుకుందాం........మన శరీరం యొక్క ఉష్ణోగ్రత (core body temperature) మామూలుగా రోజువారీ ఉండేతేడాలకన్నా(diurnal variations అంటే మన శరీర ఉష్ణోగ్రత ఉదయం పూట,రాత్రి పూట వేరువేరుగా ఉంటుంది) పెరిగితే దాన్ని జ్వరం అనొచ్చు....... అంటే శరీర సాధారణ ఉష్ణోగ్రత 37'c or 98.4'F అనుకుంటే, ఒక డిగ్రీ ఎక్కువ వరకూ నార్మల్ గా తీసుకోవచ్చు.(100'F వరకూ).........ఈ జ్వరం అనేది ప్రత్యేకమైన వ్యాధి కాదు...అంతర్గతంగా ఉన్న ఒక వ్యాధి యొక్క బాహ్య లక్షణం(DISEASE SYMPTOM) మాత్రమే.కాబట్టి జ్వరానికి కారణాలు ఏదైనా కావచ్చు.మామూలు వైరల్ ఫీవర్స్ దగ్గరనుంచి విషజ్వరాలు,క్యాన్సర్లు కూడా కావచ్చు...ఒక్కొక వ్యాధికి జ్వరలక్షణం ఒక్కోరకంగా ఉంటుంది.....అంటే, fever periodicity,high or low grade, associated with chills and rigors, other associated symptoms ఇలాంటివి అన్నమాట.

ఇంకో ముఖ్యమైన విషయం ఏంటంటే, మన వాళ్ళు సాధారణంగా ఒక అపోహ పడుతుంటారు..."జ్వరం బైటకి కనపడట్లేదు, ’లో జ్వరం’ ఉంది" అని....అలాంటిది ఏమీ ఉండదు..జ్వరం అంటే బయటికి కనిపించేది మాత్రమే....ఇది ప్రత్యేకంగా ఎందుకు చెప్తున్నానంటే, చాలా మంది "లోజ్వరం" ఉంది అని టాబ్లెట్లు మింగేస్తుంటారు..దాని వల్ల ఉపయోగం ఏమీ లేకపోగా, లివర్ దెబ్బతినే అవకాశం ఉంది......

ఇక ఫీవర్ ఎంత ఉందో, కరెక్ట్ గా ఎలా చూడాలో చూద్దాం......ఈ రోజుల్లో రకరకాల థర్మామీటర్స్ దొరుకుతున్నాయి....డిజిటల్, ఊరక చేత్తో పట్టుకుని చూసేవి ఇలా......కాని అన్నిటికన్నా బెస్ట్ ఒన్, మన పాత గ్లాస్ థర్మామీటర్(దీన్నే CLINICAL THERMOMETER అంటారు).......body temperature is best measured when it is done per rectally.కాని అలా చెయ్యటం ప్రాక్టికల్ గా కుదరదు కాబట్టి, నాలుక కింద పెట్టి చూడటం(ఒక నిమిషం పాటు) ఉత్తమం....(చేతికింద అంటే చంకలో పెట్టి చూసిన రీడింగుకి ఎప్పుడూ ఒక డిగ్రీ ఎక్కవ కలపాలి.)......చూసే ముందు,తర్వాత థర్మామీటర్ ని శుభ్రంగా తుడవాలి....మరీ చల్లటి నీళ్ళని కాని, మరీ వేడి నీళ్ళని కాని ఉపయోగించవద్దు...దీనివల్ల తప్పు రీడింగు రావటమే కాకుండా, థర్మామీటర్ పగిలిపోయే అవకాశం కూడా ఉంది....చూసేప్పుడు థర్మామీటర్ టిప్ ని పట్టుకోవద్దు..దీనివల్ల చూసినవాళ్ళ బాడీ టెంపరేచర్ ట్రాన్స్మిట్ అయ్యి రీడింగు తప్పు వచ్చే అవకాశం ఉంది.

ధర్మామీటర్లలో అనేక రకాలు ఉన్నాయి

మౌత్ ధర్మామీటరు : ఒక చివర్ పాదరము బల్బ్ ఉంటుంది . ఈ బల్బ్ ను నోటిలో నాలుక కిందను పెట్టి ఉష్ణోగ్రతను కొలుస్తారు . చిన్నపిల్ల విషయము లో దీనిని వాడరు . కొరికే ప్రమాదము ఉన్నందున .

రెక్టల్ ధర్మామీటరు : పిల్లలకు మూడేళ్ళు వచ్చేవరకు ఈ ధర్మామీటరు ఉత్తమమైనది . పిల్లలను బోర్లా పడుకోపెట్టి థర్మామీటరు చివరిభాగములో పెట్రోలియం జెల్లీ రాసి అసనము లోకి అంగుళము మేర చొప్పించి ఉష్ణోగ్రత చూసే సమ్యము పూర్తయ్యే వరకు కాళ్ళు ఒక చేతితోపైకి పట్టుకోని , మరోచేతితో థర్మామీటరునూ పడిపోకుండా పట్టుకొని జ్వరము కొలుస్తారు .

చెవి థర్మామీటరు : ఈ రకమైన థర్మామీటరును అన్ని వయసులవారికి వాడవచ్చును . రెండు నిముషాలపాటు చెవిలో ఉంచి జ్వరము కొలుస్తారు . ఇది కూడా ఖచ్చితమైన ఉష్ణోగ్రతను తెలియజేస్తుంది .

నోటిద్వారా చూసే డిజిటల్ థర్మామీటరు .: ఐదేళ్ళు .. ఆపైబడ్డవారికి దీనిని ఉపయోగిస్తారు . ఇది బేటరీ పై పనిచేస్తుంది . బేటరీ శక్తి తగ్గితే ఇది తప్పు రీడింగు చూపే ఆస్కారము ఉంది .

స్ట్రిప్ థర్మామీటరు : ముఖము ఫాలభాగము పైన ఈ థర్మామీటరు ఉంచి ఉష్ణోగ్రతను కొలుస్తారు . నోటిలో పెట్టడానికి వీలు పడనపుడు దీనిని వాడుతారు . ఇది ఖచ్చితమైన రీడింగ్ ఇవ్వక పోవచ్చును.

• =======================

Visit my website - > Dr.Seshagirirao.com/http://dr.seshagirirao.tripod.com/

Medicine Updates(in Telugu),ఛాతీమంట పంటికి నష్టము , Reflux Acidity bad to teeth

• 
  
• 
• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -ఛాతీమంట పంటికి నష్టము - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

• ఛాతీమంట పంటికి నష్టము , Reflux Acidity bad to teeth

చాలాకాలంగా ఛాతీమంటతో బాధపడుతున్నవారి ఆహారనాళానికే కాదు. దంతాలకూ ముప్పు తేగలదు . గొంతులోకి పుల్లటి త్రేన్పులు ఎగదన్నుకు రావటంతో ఛాతీమంటకు కారణమయ్యే గ్యాస్ట్రోఈసోఫేగల్‌ రిఫ్లక్స్‌ డిసీజ్‌ (GERD‌) మూలంగా పళ్లూ తీవ్రంగా దెబ్బతింటున్నట్టు తాజా అధ్యయనంలో తేలింది . వీరిలో నోట్లోకి చేరుకునే యాసిడ్‌ వల్ల పళ్లు పలుచగా, వాడిగా అవటంతో పాటు వాటిపై చిన్న చిన్న రంధ్రాలూ పడుతున్నట్టు టెన్నెసీ హెల్త్‌ సైన్స్‌ సెంటర్‌ విశ్వవిద్యాలయం పరిశోధకుల అధ్యయనంలో బయటపడింది. రిఫ్లక్స్‌ డిసీజ్‌ గలవారిలో యాసిడ్‌తో పాటు జీర్ణాశయంలోని పదార్థాలు ఆహారనాళంలోకి ఎగదన్నుకు వస్తుంటాయి. చాలాసార్లు ఇవి నోట్లోకీ చేరుకుంటాయి. ఇందులోని యాసిడ్‌ దంతాల పైపొరపై దాడి చేయటం వల్ల పన్ను దెబ్బతినటానికి దారితీస్తోంది.

• =======================

Visit my website - > Dr.Seshagirirao.com/

అపెండిక్సు వలన లాభాలు , Benifits of Appendix

• 
  

• 
• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు --Benifits of Appendix-- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

మన శరీరంలోని ఉండుకం (అపెండిక్స్‌) ఓ వ్యర్థ అవయమని, అవశేషమని చాలామంది భావిస్తుంటారు. చిన్నపేగూ, పెద్దపేగూ కలిసే భాగం మొదట్లో.. వేలు పరిమాణంలో ఉండే దీంతో ఎలాంటి ప్రయోజనం లేదని అనుకుంటారు. కానీ తీవ్ర ఇన్‌ఫెక్షన్ల నుంచి కోలుకోవటానికి ఇది మనకు తోడ్పడుతుందనే సంగతి మీకు తెలుసా? మనకు మేలు చేసే బ్యాక్టీరియాను నిల్వ చేసుకునే 'సహజ' కేంద్రంగా పనిచేస్తుందంటే నమ్ముతారా? కలరా వంటి ఇన్‌ఫెక్షన్ల బారినపడ్డప్పుడు పేగుల్లో మనకు మేలు చేసే బ్యాక్టీరియా అంతా తుడిచిపెట్టుకుపోతుంది. దీంతో ఇతరత్రా తీవ్ర ఇన్‌ఫెక్షన్లూ తేలికగా దాడి చేయటానికి అవకాశముంటుంది. ఇలాంటి సమయాల్లో ఉండుకం తనలో దాచుకున్న సహజ బ్యాక్టీరియాను పేగుల్లోకి పంపించి తిరిగి వృద్ధి చెందేలా చేస్తుంది. ఈ సిద్ధాంతాన్ని డ్యూక్‌ యూనివర్సిటీ స్కూల్‌ ఆఫ్‌ మెడిసిన్‌కు చెందిన బిల్‌ పార్కర్‌ చాలాకాలం కిందటే ప్రతిపాదించారు. దీనిపై విన్‌తోర్ప్‌ విశ్వవిద్యాలయానికి చెందిన జేమ్స్‌ గ్రెండెల్‌ బృందం ఇటీవల ఒక అధ్యయనాన్ని నిర్వహించింది. సి.డిఫ్‌ బ్యాక్టీరియా మూలంగా పేగుల్లో ఇన్‌ఫెక్షన్‌ బారినపడ్డవారిని ఎంచుకొని పరిశీలించింది. ఆసుపత్రుల్లో దీర్ఘకాలం యాంటీబయోటిక్స్‌ చికిత్స తీసుకుంటున్నవారిలో ఈ ఇన్‌ఫెక్షన్‌ కనిపిస్తుంటుంది. పేగుల్లో సహజ బ్యాక్టీరియా బలంగా ఉన్నప్పుడు సి.డిఫ్‌ దాంతో పోరాడలేదు. అయితే సహజ బ్యాక్టీరియా తగిన సంఖ్యలో లేకపోతే అది త్వరత్వరగా వృద్ధి చెంది విజృంభిస్తుంటుంది. గ్రెండెల్‌ బృందం చేసిన పరిశోధనలో ఓ ఆసక్తికరమైన అంశం బయటపడింది. అపెండిక్స్‌ గలవారితో పోలిస్తే.. వివిధ కారణాలతో అపెండిక్స్‌ను తొలగించిన వారిలో సి.డిఫ్‌ ఇన్‌ఫెక్షన్‌ మళ్లీ మళ్లీ రావటం రెండు రెట్లు అధికంగా ఉన్నట్టు తేలింది. అంటే ఉండుకం మేలుచేసే బ్యాక్టీరియాను తిరిగి వృద్ధి చెందేలా చేస్తూ.. మన ప్రాణాలను కాపాడటంలోనూ తోడ్పడుతుందున్నమాట. అందువల్ల అత్యవసరమైతే తప్ప అనవసర కారణాలతో అపెండిక్స్‌ను తొలగించరాదని.. దాన్ని కాపాడుకోవటం కీలకమనీ ఈ అధ్యయనం రుజువు చేస్తోంది. అపెండిక్సు మంచి బ్యాక్టీరియా కేంద్రం.

నిజానికి ఉండుకం నిర్వర్తించే శారీరక ధర్మాలపైన ఇప్పటికీ మనకు అవగాహన తక్కువే. ఒకప్పుడు ఇదో నిరర్థక అవయవమని భావించేవాళ్లు. కానీ ఇటీవలి పరిశోధనలలో దీనికీ ప్రాధాన్యత ఉందనీ, ముఖ్యంగా దీనిలో ఉండే 'లింఫాయిడ్‌' ధాతువు కారణంగా శరీర రక్షణ వ్యవస్థలో దీనికి పాత్ర ఉందనీ గుర్తించడం జరిగింది.

• ==========================

Visit my website - > Dr.Seshagirirao.com/

అత్యవసర గర్భనిరోధక మాత్ర ,ఎమర్జెన్సీ కాంట్రాసెప్షన్‌ పిల్ ,Emergency Contraceptive Pill

• 
  
• 
• image : courtesy with Eenadu News paper.
• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -అత్యవసర గర్భనిరోధక మాత్ర- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

మన దేశంలో అవాంఛనీయ గర్భాలు.. వాటి నుంచి తప్పించుకునేందుకు నాటు పద్ధతుల్లో, గోప్యంగా అబార్షన్లు చేయించుకోవటమన్నది చాలా ఎక్కువ. ఈ విషయాన్ని ఎన్నో అధ్యయనాలు గుర్తించాయి. ప్రజల్లో గర్భనిరోధక విధానాల పట్ల అవగాహన పెరిగితే అసలీ పరిస్థితి ఉత్పన్నం కాదని, మరీ ముఖ్యంగా అత్యవసర గర్భనిరోధక విధానం పట్ల అవగాహన పెంచటం ఎంతో అవసరమని నిపుణులు ఎప్పటి నుంచో సూచిస్తున్నారు. ఎటువంటి గర్భనిరోధక పద్ధతులూ పాటించకుండా శృంగారంలో పాల్గొంటే తక్షణ గర్భనిరోధం కోసం ఉపయోగపడేది ఈ అత్యవసర గర్భనిరోధక మాత్ర. 'ఐ-పిల్‌' వంటి రకరకాల బ్రాండ్‌ పేర్లతో ప్రాచుర్యంలోకి వచ్చిన ఈ 'ఎమర్జెన్సీ కాంట్రాసెప్షన్‌ పిల్‌'ను 'మోర్నింగ్‌ ఆఫ్టర్‌ పిల్‌' అనీ పిలుస్తుంటారు. ఈ మాత్ర అత్యవసర సందర్భాల్లో అక్కరకొచ్చే మాట వాస్తవమేగానీ.. వీటిని సాధారణ గర్భనిరోధక పద్ధతులకు ప్రత్యామ్నాయంగా, తరచుగా వాడటం మాత్రం సరికాదని నిపుణులు హెచ్చరిస్తున్నారు.అవసరమైతేనే 'అత్యవసరం'


అత్యవసర గర్భనిరోధక మాత్ర సమర్థంగా పని చెయ్యాలంటే దాన్ని అరక్షిత శృంగారంలో పాల్గొన్న తర్వాత ఎంత త్వరగా వీలైతే అంత త్వరగా తీసుకోవాల్సి ఉంటుంది. దీనిలో లివనోర్‌జెస్ట్రల్‌, ప్రొజెస్టిన్‌, యులిప్రిస్టల్‌ ఎసిటేట్‌ వంటి హార్మోన్లు ఉంటాయి. ఇవి ఆ స్త్రీ రుతుక్రమంలో అప్పడున్న దశను బట్టి- వెంటనే అండం విడుదల కాకుండా జాప్యం చెయ్యటంగానీ, లేదంటే అండం-శుక్రకణాల సంయోగాన్ని (ఫలదీకరణాన్ని) అడ్డుకోవటంగానీ, ఒకవేళ అప్పటికే అండం ఫలదీకరణం చెంది ఉంటే అది గర్భాశయం గోడలకు అంటుకోకుండా, గర్భం కుదురుకోకుండా నిలువరించటం ద్వారాగానీ గర్భధారణను నిరోధిస్తాయి. ఒకవేళ కండోమ్‌ వంటి గర్భనిరోధక సాధనాలు వాడుతూ, అనుకోకుండా అవి విఫలమైపోయినప్పుడు కూడా అత్యవసర గర్భనిరోధక మాత్రతో ప్రయోజనం ఉంటుంది. అత్యవసర గర్భనిరోధక మాత్ర వేసుకున్న తర్వాత 2 గంటల్లోపు వాంతి అయితే.. మళ్లీ మాత్ర వేసుకోవాలా? అక్కర్లేదా? అన్నది వైద్యులతో చర్చించటం ముఖ్యం.

అత్యవసర గర్భనిరోధక మాత్ర వల్ల కొన్ని రకాల దుష్ప్రభావాలు తలెత్తే అవకాశం లేకపోలేదు. వేసుకున్న ఒకటి రెండురోజుల పాటు వాంతులు, వికారం, తీవ్రమైన అలసట, తలనొప్పి, రొమ్ములు సలపరింతగా అనిపించటం, నెలసరికీ నెలసరికీ మధ్య ఎరుపు కనబడటం, నెలసరి సమయంలో రుతుస్రావం ఎక్కువ కావటం, పొత్తికడుపులో నొప్పి లేదా అసౌకర్యం, నీళ్ల విరేచనాల వంటి దుష్ప్రభావాలు ఎదురయ్యే అవకాశం ఉంటుందిగానీ ఇవేవీ అంత తీవ్రమైనవి కావు. ఇవి కూడా కొద్దిరోజుల పాటే ఉంటాయి. ఇటువంటి ఇబ్బందులేమైనా వారం మించి కొనసాగుతుంటే వెంటనే వైద్యులను సంప్రదించటం అవసరం. మొత్తమ్మీద ఈ మాత్రలతో తీవ్ర సమస్యలు ఎదురవటమన్నది అరుదు.

అబార్షన్‌ మాత్ర కాదు
అత్యవసర గర్భనిరోధక మాత్ర- అబార్షన్‌ మాత్ర వంటిది కాదు. అబార్షన్‌ మాత్ర ఇప్పటికే గర్భధారణ జరిగి, గర్భంలో కుదురుకుని పెరగటం ఆరంభించిన పిండాన్ని సైతం బయటకు పంపించివేస్తుంది. కానీఅత్యవసర గర్భనిరోధక మాత్ర అసలు గర్భధారణ జరగకుండానే, గర్భం రాకుండానే నిలువరిస్తుంది. ఈ మాత్ర తీసుకున్న తర్వాత ఆ దఫా నెలసరి ఒక వారం లేటుగా రావచ్చు. గడువు కంటే వారం దాటినా కూడా నెలసరి రాకపోతుంటే వెంటనే గర్భధారణ పరీక్ష చేయించుకోవటం అవసరం.

ప్రత్యామ్నాయం కాదు
అత్యవసర గర్భనిరోధక మాత్ర అప్పటి వరకే గర్భం రాకుండా చూస్తుందిగానీ ఇదేమీ దీర్ఘకాలం పని చేసేది కాదు. కాబట్టి ఈ మాత్ర వేసుకున్న తర్వాత కొన్ని రోజులకు, లేదా వారాలకు అరక్షిత శృంగారంలో పాల్గొంటే గర్భం ధరించే అవకాశాలుంటాయి. అలాగే ఈ మాత్రను మరీ తరచుగా వేసుకోవటం కూడా సమస్యలను తెచ్చిపెడుతుంది. కాబట్టి అత్యవసర సందర్భంలో ఎప్పుడైనా ఈ మాత్ర వేసుకున్నా.. దీర్ఘకాలం గర్భనిరోధం కోసం వైద్యుల సలహా మేరకు సాధారణ గర్భనిరోధక మాత్రలు, ఇంజెక్షన్లు లేదా కండోమ్‌ల వంటి సాధనాలను వాడుకోవటమే ఉత్తమం.

• ===========================

Visit my website - > Dr.Seshagirirao.com/